बैंकिङ खबर । १० लाख रुपैयाँको चेक दिने कृष्णलाल ढोलालाई प्रहरीले पक्राउ गरेको छ । सुभ कुमारी मगरको जाहेरीमा ढोला काठमाडौंमा पक्राउ परेका हुन्। चेक बाउन्स भएपछि दिइएको जाहेरीपछि उनलाई प्रहरीले पक्राउ गरेको छ । यसअघि नै ढोला विरुद्ध उच्च अदालत पाटनले बैंकिङ कसूर मुद्दामा २०७६ मंसिर २३ गते १० लाख रुपैंया जरिवाना हुने ठहर गरेको थियो। अब उनी विरुद्ध बैंकिङ कसूर ऐन अनुसार कारबाही प्रक्रिया अघि बढ्ने छ। ढोला अदालतको आदेश विपरित फरार अबस्थामा थिए । उनलाई प्रहरीले प्रकाउ गरी सार्वजनिक गरेको छ । आफ्नो खातामा पर्याप्त रकम नहुँदा नहुँदै ज्योति विकास बैंक ललितपुर शाखाको १० लाख रुपैयाँको चेक दिएका उनी फरार अबस्थामा थिए ।
