बैंकिङ खबर । नेपालमा कोरोना संक्रमणबाट मृत्यु हुनेको संख्या २० पुगेको छ । असार १ गते मृत्यु भएकी बाँकेकी महिलाको कोरोना पुष्टि भए सँगै संक्रमणबाट मृत्यु हुनेको संख्या २० पुगेको हो । यसैगरी आज नेपालमा थप ५ सय ८६ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले ५ सय ८६ जनामा कोरोना संक्रमण पुष्टि भएको बताउनुभएको हो। यो सँगै हाल देशभर कोरोना संक्रमितको संख्या ७ हजार १ सय ७७ पुगेको छ । संक्रमित मध्ये हालसम्म १ हजार १ सय ६७ जना निको भएका छन् ।
