बैंकिङ खबर । एनआईसी एशिया लघुवित्त वित्तीय संस्थाले ४७ करोड ५५ लाख रूपैयाँको प्राथमिक शेयर निष्कासन गर्ने भएको छ । संस्थाले सर्वसाधारणका लागि एक सय रुपैयाँ अंकित मूल्यमा ४७ लाख ५५ हजार कित्ता शेयर निष्काशन गर्न लागेको हो ।
संस्थाले शेयर निष्काशनका लागि मध्यम किसिमको सुरक्षाको संकेत जनाउने ‘केयर एनपी आइपीओ ग्रेड चार प्लस’ प्राप्त गरेको छ । संस्थाले नेपाल धितोपत्र बोर्डबाट शेयर निष्काशनको अनुमति लिन बाँकी रहेको छ ।
हालको चुक्ता पुँजी एक अर्ब रूपैयाँ रहेको संस्थाको जगेडा कोषमा १६ करोड २९ लाख रूपैयाँ छ । प्राथमिक शेयर निष्कासनपछि चुक्ता पुँजी एक अर्ब ४७ करोड रूपैयाँ पुग्नेछ ।
