बैंकिङ खबर । चौतारी लघुवित्त वित्तीय संस्था र आरम्भ लघुवित्त वित्तीय संस्था एक आपसमा गाभिने भएका छन् । बुधबार काठमाडौँमा एक कार्यक्रममका बीच चौतारीका अध्यक्ष जगतबहादुर पोखरेल र आरम्भका अध्यक्ष दीपक तिवारीले एक आपसमा गाभिने सहमति पत्रमा हस्ताक्षर गरेका छन् ।
बुटवलमा केन्द्रीय कार्यालय रहेको चौतारी लघुवित्तको चुक्ता पुँजी १८ करोड ६० लाख रहेको छ भने काभ्रेको बनेपामा केन्द्रीय कार्यालय रहेको आरम्भको चुक्ता पुँजी छ करोड रुपैयाँ रहेको छ । दुबै संस्था एकआपसमा गाभिएपछि कुल चुक्तापुँजी २४ करोड ६० लाख रुपैयाँ पुग्नेछ । त्यस्तै, शाखा संख्या ३० जिल्लामा ७७ पुग्नेछन् ।
दुवै संस्था गाभिएपछि नयाँ संस्थाको नाम आरम्भ चौतारी लघुवित्त वित्तीय संस्था हुने भएको छ भने केन्द्रीय कार्यालय बनेपामा रहने भएको छ ।
