बैंकिङ खबर । प्रिमियर इन्स्योरेन्स कम्पनीले ८३.९९ प्रतिशत लाभांश वितरण गर्ने भएको छ । कम्पनीको संचालक समितिको बैठकले ७९.७९ प्रतिशत बोनस सेयर र कर प्रयोजनका लागि समेत गरी ४.२० प्रतिशत नगद लाभांश वितरण गर्ने प्रस्ताव अघि सारेको छ ।
हाल प्रिमियर इन्स्योरेन्सको चुक्तापुँजी ५८ करोड ४० लाख रुपैयाँ रहेको छ । जसअनुसार, सेयरधनीले ४६ करोड ६० लाख रुपैयाँ बराबरको बोनस सेयर पाउनेछन् भने दुई करोड ४५ लाख २६ हजार तीन सय १६ रुपैयाँ नगद लाभांश पाउनेछन् ।
प्रस्तावित लाभांश बीमा समितिबाट स्वीकृत भई कम्पनीको आगामी वार्षिक साधारणसभाले पारित गरेपछि सेयरधनीले पाउनेछन् । बोनस सेयर वितरण गरेपछि कम्पनीको चुक्तापुँजी एक अर्ब पाँच करोड रुपैयाँ पुग्नेछ ।
