बैंकिङ खबर । प्रदेश नं. ७ स्थित कञ्चनपूर जिल्लाको महेन्द्रनगरमा 'वित्तीय जागरण : राष्ट्रिय अभियान' कार्यक्रम संचालन हुने भएको छ । जेठ २९ गते मंगलबार उक्त कार्यक्रम संचालन हुन लागेको हो ।
देशव्यापी रुपमा वित्तीय साक्षरता अभिवृद्धि गर्ने उद्देश्यले मिडिया इन्टरनेशनलले आयोजना गर्न लागेको उक्त कार्यक्रमलाई नेपाल राष्ट्र बैंकले प्रवद्र्धन गरेको छ भने बीमा समितिले सहकार्य गरेको छ । आम नागरिकमाझ बैंक र बीमा सम्बन्धी सूचना प्रवाह गरी जागरण ल्याउने अधियान स्वरुप उक्त कार्यक्रमको आयोजना गर्न लागेको मिडिया इन्टरनेशनलका अध्यक्ष माधव निर्दोषले बताए ।
कार्यक्रममा प्रदेश नं. ७ का विभिन्न जिल्लाबाट बैंकर्स, उद्यमी, मेनेजमेन्ट संकायका विद्यार्थी लगायतको उपस्थिती रहनेछ ।
