एभरेष्ट बैंक लिमिटेडले आफ्ना निक्षेपकर्ता तथा कर्जा लिने ग्राहकहरुलाई एकद्धार सेवा प्र्रणाली मार्फत निर्जिवन बीमा सेवा उपलब्ध गराउने उद्देश्यले सगरमाथा इन्स्योरेन्स कम्पनी लिमिटेडसँग बैंकास्योरेन्स सम्झौता गरेको छ । चैत्र २० गते मंगलबार एभरेष्ट बैंकका प्रमुख कार्यकारी अधिकृत सोमेश्वर सेठ र सगरमाथा इन्स्योरेन्स कम्पनीका प्रमुख कार्यकारी अधिकृत चंकी क्षेत्रीले बैंकास्योरेन्स सेवा सम्बन्धि सम्झौतामा हस्ताक्षर गरे ।
यस सम्झौता पश्चात सगरमाथा इन्स्योरेन्सका मुलुकभरका ५७ शाखामार्फत एभरेष्ट बैंकका ग्राहकहरुले बैंकका ८० शाखाहरुमार्फत छटो छरितोे तथा सहज रुपमा बीमालेख प्राप्त गर्न, बीमाशूल्क भुक्तानी गर्न र दावी भुक्तानी प्राप्त गर्न सकिनेछ । साथमा सम्पूर्ण प्रकारको निर्जिवन बीमा सेवा पनि सहज रुपमा प्राप्त गर्न सकिनेछ ।
कम्पनीले चालू आ.ब को दोस्रो त्रैमासिकसम्मका ५४ करोड ८७ लाख बराबर दावी भूक्तानी विभिन्न शीर्षक अन्तर्गत गरिसकेको छ ।
