ग्रामीण क्षेत्रलाई महत्वपूर्ण कार्यक्षेत्रका रुपमा लिएको मुक्तिनाथ विकास बैंकले सल्यान जिल्लामा एकै साथ आफ्ना तीन वटा शाखा विस्तार गरेको छ । बैंकले सल्यानको थारमारे, लुहाम र श्रीनगरमा आफ्नो शाखा विस्तार गरेको हो ।
शाखाका विस्तारको क्रममा मिति २०७४ चैत्र १४ गते बुधवारका दिन सल्यानको त्रिवेणी गाँउपालिका वडा नं. ६, लुहामस्थित लुहाम शाखाको समुद्घाटन त्रिवेणी गाउँपालिकाका अध्यक्ष मान बहादुर डाँगीले गरे । समुद्घाटन कार्यक्रममा आफ्नो मन्तव्य राख्दै प्रमुख अतिथि डाँगीले यस क्षेत्रका वासिन्दाको जीवनस्तर उकास्नको लागि वित्तीय संस्थाहरुको उपस्थिती बढ्नु खुशीको कुरा भएकोले लुहाम बासीको सदैब साथ र सहयोग रहने बताए । उक्त शाखा समुद्घाटन कार्यक्रममा लुहाम वजार व्यवस्थापन समितिका अध्यक्ष खिम वहादुर रावतले बंैकको सफलताको शुभकामना सँगसँगै आफ्नै आँगनमा आएको संस्थालाई सदैव सहयोग गर्ने प्रतिबद्धता व्यक्त गरे । उक्त शाखा समुद्घाटन कार्यक्रममा लुहाम बजार र सो आसपासका व्यापारी, समाजसेवी, कृषक र स्थानीय नागरिकहरु लगायत स्थानीय बैंक तथा वित्तीय संस्थाका प्रमुख एवं प्रतिनिधिहरुको उपस्थिति रहेको थियो ।
त्यस्तै, बागचौर नगरपालिकामा २ मा रहेको थारमारे शाखा कार्यालयको समुद्घाटन बागचौर नगरपालिकाका मेयर लोकमान बुढाथोकीको प्रमुख आतिथ्यतामा मिति २०७४ चैत्र १५ गते सम्पन्न भएको छ । उक्त शाखाको उद्घाटनको क्रममा प्रमुख अतिथि बुढाथोकीले यस क्षेत्रमा कृषि पर्यटनको विकासका लागि वित्तीय संस्थाहरुको उपस्थिति बढ्नु खुशीको कुरा भएकोले सल्यानबासीको सदैब साथ र सहयोग रहने बताए । उक्त शाखा समुद्घाटन कार्यक्रममा बागचौर, थारमारे बजार र सो आसपासका व्यापारी, समाजसेवी, शिक्षक, एफ.एम., इलाका प्रहरी कार्यालय, इलाका प्रशासन, बन कार्यालय, एनजीओ, आईएनजीओका कार्यालय प्रमुख कृषक र स्थानीय नागरिकहरु लगायत स्थानीय बैंक तथा वित्तीय संस्थाका प्रमुख एवं प्रतिनिधिहरुको उल्लेख्य उपस्थिति रहेको थियो ।
त्यसैगरी बैंकले मिति २०७४ चैत्र १५ गते शारदा नगरपालिका वाड नं १ मा रहेको श्रीनगरमा पनि शाखा विस्तार गरेको छ । उक्त शाखा कार्यालयको समुद्घाटन शारदा नगरपालिकाका मेयरसुरेश अधिकारीको प्रमुख आतिथ्यता सम्पन्न भएको छ । समुद्घाटन कार्यक्रममा शुभकामना मन्तव्य राख्दै प्रमुख अतिथि अधिकारीले मुक्तिनाथ विकास बैंकले सल्यान जिल्लामा ३ वटा शाखा विस्तार गरी यहाँका जनतालाई स्तरीय सेवा प्रदान गरेकोमा खुसी गरे । साथमा बैंकको स्तरोन्नति भई आउँदो दिनमा “क” वर्गको बाणिज्य बैंकमा आफ्नो स्तरलाई उकास्न सकोस् भन्ने शुभकामना समेत व्यक्त गरे । उक्त कार्यक्रममा सल्यान जिल्ला प्रशासन प्रमुख श्री प्रमानन्द घिमिरे, उद्योग वाणिज्य संघ अध्यक्ष विर वहादुर चलाउने र छत्रेश्वरी गाउँपालिका अध्यक्ष सन्तोष के.सी. लगायतले शुभकामना मन्तव्य राखेका थिए ।
उपरोक्त कार्यक्रमहरु बैंकका प्रमुख कार्यकारी अधिकृत भरतराज ढकालको अध्यक्षतामा सम्पन्न भएका थिए भने कार्यक्रमहरुमा स्वागत मन्तव्य बैंकका क्षेत्रीय प्रबन्धक बाबुराम ढकालले गरेका थिए । सल्यान जिल्लामा ३ वटा शाखा हुने बैंक मुक्तिनाथ विकास बैंक मात्र रहेको छ ।
