नेपाल राष्ट्र बैंकले १० अर्ब ८० करोड रुपैयाँ बराबरको ट्रेजरी बिल विक्री गर्नका लागि शिलबन्दी बोलपत्र आह्वान गरेको छ । राष्ट्र बैंकले ९१ दिने अवधिको दुई अर्ब ५० करोड र ३६४ दिने अवधिको आठ अर्ब ३० करोड रुपैयाँ बराबरको ट्रेजरी बिल विक्री गर्न लागेको हो ।
सोमबार (जेठ २९ गते) दिउँसो ३ बजे बोलकबोल हुने ट्रेजरी बिलको निष्काशन मंगलबार (जेठ ३० गते) गरिने राष्ट्र बैंकले जनाएको छ । जसअनुसार, ९१ अवधिको ट्रेजरी बिल आगामी भदौ २७ गते र ३६४ दिने अवधिको ट्रेजरी बिल ०७५ जेठ २९ गते परिपक्व हुनेछ ।
बोलकबोल अनलाइनमार्फत गर्नुपर्नेछ ।
