अमेरिकी डलरको भाउ पुनः बढ्न थालेको छ । डलर बलियो भएपछि नेपाल राष्ट्र बैंकले बिहिबार बिक्री मुल्य १ डलर बराबर १ सय ९ रुपैयाँ ५७ पैसा तोकेको छ ।
अमेरिकाको फेडरल रिजर्व बैंकले ब्याजदर बढाएपछि पछिल्लो समयमा डलर मजबुत हुँदै गएको बताइन्छ । भारतले पाँच सय र एक हजार दरका भारु नोटमा प्रतिबन्ध लगाएपछि डलरको तुलनामा भारु कमजोर हुन पुगेको छ । त्यसको असर स्वभाविक रुपमा नेपाली मुद्रामा पर्न गएको हो ।
नेपाली रुपैयाँ (नेरु) र भारुबीच स्थिर विनियम दर रहेकाले भारु मजबुत भए नेपाली रुपैयाँ पनि बलियो हुने र कमजोर भए नेरु पनि कमजोर हुने गर्छ ।
