बैंकिङ खबर/ शाइन रेसुंगा डेभलपमेन्ट बैंकले सेयरधनीहरुलाई ८ प्रतिशत लाभांश दिने घोषणा गरेको छ। कम्पनीले आर्थिक वर्ष २०८०/८१ को नाफाबाट सेयरधनीहरुलाई ३ प्रतिशत बोनस सेयर र बाँकी ५ प्रतिशत दिने भएको हो।
४ अर्ब ७३ करोड चुक्ता पुँजी भएको यो कम्पनीले गत आवमा ४१ करोड ७३ लाख रुपैयाँ विरतरणयोग्य सञ्चित मुनाफा कमाएको थियो। जसबाट १४ करोड २० लाख रुपैयाँबराबरको ३ प्रतिशत बोनस सेयर र २३ करोड ६६ लाख रुपैयाँबराबरको ५ प्रतिशत नगद लाभांश (करसहित) वितरण गर्ने घोषणा गरेको हो।
कम्पनीले लाभांश वितरणका लागि नेपाल राष्ट्र बैंकबाट स्वीकृति पाइसकेको छ। अब आगामी हुने साधारणसभाबाट पारित गरेपछि सेयरधनीहरुमा उक्त लाभांश वितरण गरिनेछ।
