महुली सामुदायिक लघुवित्त वित्तीय संस्थाले एक लाख बीस हजार कित्ता आईपीओ जारी गर्न प्रक्रिया अघि बढाएको छ । यसअघि नै सेयर निष्काशन तथा विक्रि प्रबन्धकमा एन.सि.एम मर्चेण्ट बैंकिङ्ग लिमिटेडलाई नियुक्त गरिसकेको संस्थाले आईपीओ निष्कासन गर्नका लागि धितोपत्र बोर्डमा आवेदन दिएको हो ।
सप्तरीको बकधुवा ९ महुलीमा प्रधान कार्यालय रहेको कम्पनीको अहिले २ करोड १५ लाख रुपैंया चुक्ता पूँजी रहेको छ । आईपीओ निष्काशन गरेपछि कम्पनीको पुँजी ३ करोड ३५ लाख रुपैंया पुग्नेछ ।
२०७० जेष्ठ ३० गतेबाट कारोबार संचालन गर्दै आएको यो संस्थाले हाल सप्तरी, सिरहा, उदयपुर, सुनसरी, खोटाङ्ग, भोजपुर, ओखलढुङ्गा, सिन्धुली, धनकुटा र रामेछाप गरी १० जिल्लाको कार्यक्षेत्रमा २८ वटा शाखा कार्यालय मार्फत वित्तीय सेवा प्रदान गरिरहेको छ ।
