बिराटनगरमा मुख्य कार्यालय रहेको सप्तकोशी डेभलपमेण्ट बैंकले आफ्ना शेयरधनीहरुलाई ११ प्रतिशत बोनस तथा कर प्रायोजनका लागि सबै शेयरधनीलाई ५ लाख ७८ हजार ९ सय ४७ रुपैंया नगद लाभांस बितरण गर्ने भएको छ । गत सोमबार बसेको बैंक सञ्चालक समितिको बैठकले लगानीकर्तालाई दिने लाभांसको यस्तो प्रस्ताव गरेको हो । बैंकले प्रस्ताव गरेको लाभांस नेपाल राष्ट्र बैंकबाट स्वीकृत भए पछि आगामी साधारण सभाबाट पारित गराए पछि लगानीकर्ताले लभांस पाउने छन् । गत आर्थिक वर्षमा ९३ लाख ७८ हजार रुपैंया खुद नाफा कमाएको बैंकको चुक्ता पूँजी १० करोड रुपैंया छ ।
