बैंकिङ खबर । मञ्जुश्री फाईनान्स लिमिटेडले संस्थापक समूह अन्र्तगतको १२,५८७ कित्ता शेयर बिक्रीमा ल्याएको छ । संस्थाले सूचना जारी गर्दै उक्त संस्थापक शेयरको प्रति कित्ता न्यूनतम मूल्य रु.३०० रुपैयाँ मात्र तोकिएको छ । संस्थापक शेयर बोलकबोलको माध्यमबाट न्यूनतम १०० कित्ता र अधिकतम शेयर संख्याको लागि कुनै हद नलाग्ने जनाइएको छ ।
साथै संस्थापक शेयर खरिदका लागि योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले २०७८ श्रावण १४ गते देखि २०७८ भाद्र ८ गते सम्ममा बिक्री प्रबन्धक एनआईबिएल एस क्यापिटल लिमिटेड, लाजिम्पाट, काठमाडौंमा आइपुग्ने गरी प्रति कित्ता आफूले लिन चाहेको दर रेटका साथ सम्पूर्ण विवरण खुलाई गोप्य शिलबन्दी बोलपत्र मार्फत आवेदन पेश गर्न सकिने जनाइएको छ ।
