June 8th, 2021

लहैलहैमा लागेर शेयरमा लगानी नगर्नुहोस्: धितोपत्र बोर्ड

बैंकिङ खबर/ नेपाल धितोपत्र बोर्डले लहैलहैमा शेयर बजारमा लगानी नगर्न आग्रह गरेको छ ।  बोर्डले एक सूचना निकालेर बजारको सिद्धान्तअनुसार बजार घटबढ हुने हुँदा लगानीकर्ताले जोखिमलाई पनि ध्यानमा राखेर जोखिम बहन गर्न सक्ने गरी लगानी गर्न बोर्डले आग्रह गरेको छ ।

अहिले शेयर बजारको ९० प्रतिशत कारोबार अनलाइनमार्फत भइरहेको जानकारी दिँदै धितोपत्र बोर्डले प्रविधिको सही सदुपयोग गर्न पनि सचेत गराएको छ । यस्तै बजार बढेसँगै कर्नरिङ, सर्कुलर ट्रेडिङ भएका गुनासा आइरहेको र यसको बारेमा अध्ययन भइरहेको जानकारी दिँदै बोर्डले लगानीकर्तालाई सचेत गराएकाे हाे । 

बाेर्डले लगानीकर्तालाई देशको आर्थिक अवस्था, प्रति–शेयर आम्दानी, प्रति–शेयर नेटवर्थ, मूल्य आम्दानी अनुपात,  किताबी मूल्यमा बजार मूल्यको अनुपात, संस्थागत सुशासनको अवस्था समेतलाई ध्यानमा राख्न सचेत गराएको छ ।

 


[DISPLAY_ULTIMATE_SOCIAL_ICONS]