बैंकिङ खबर । कोभिड महामारी र अस्थीर सरकारको चपेटामा पनि सेयर कारोबार सबैभन्दा माथि पुगेको छ । नेप्से परिसूचक हालसम्मकै ऐतिहासिक नयाँ उचाइमा पुगेको छ । आइतबार ११ अर्ब ६५ करोड ५८ लाख रूपैयाँको कारोबार भएको छ । नेप्से परिसूचकले आइतबार २८ सय २० माथि पुगेर नयाँ रेकर्ड कायम गरेको छ । आइतबार कारोबार खुलेको १० मिनेट नबित्दै करिब ५० अंकले नेप्से परिसूचक घटेको थियो । त्यसपछि परिसूचक बढेर २ हजार ८ सय २० मा पुगेको छ । यो हालसम्मकै सबै भन्दा माथिको रेकर्ड हो ।
