स्वरोजगार लघुवित्त विकास बैङ्कका लगानीकर्ताले ३०.४ प्रतिशत बोनस शेयर पाउने भएका छन् । कम्पनीको साउन २८ गते सम्पन्न १ सय २८ औं सञ्चालक समितिको बैठकले सो प्रस्ताव गरेको छ । साथै, बैठकले १ दशमलव ६ प्रतिशत नगद लाभांश जारी गर्ने प्रस्ताव समेत अघि सारेको छ । सो प्रस्ताव नेपाल राष्ट्र बैङ्क र कम्पनीको आगामी साधारण सभाबाट पारीत भएमा शेयरधनीलाई वितरण गरिनेछ ।
सोही सभाले बोनश शेयर वितरण गरे पश्चात् शेयरधनीलाई ५० प्रतिशत हकप्रद शेयर जारी गर्ने प्रस्ताव गरेको कम्पनीले नेप्सेलाई जानकारी दिएको छ ।
