बैंकिङ खबर । यो साता नेपाल स्टक एक्सचेञ्ज (नेप्से)मा ६ लाख ४२ हजार कित्ता सेयर सूचिकृत भएको छ । यो साता स्टकका अनुसार नव किरण लघुवित्त वित्तीय संस्था लिमिटेड र महुली लघुवित्त वित्तीय संस्था लिमिटेड एक आपसमा १००ः९५ को अनुपातमा गाभिँदा कायम हुन आएको प्रति शेयर अंकित तथा चुक्ता मूल्य एक सय रूपैयाँ दरको ६ लाख ४२ हजार २ सय २१ कित्ता शेयर धितोपत्र सूचिकरण विनियमावली, २०७५ बमोजिम नेप्सेमा कारोबार हुन सक्ने गरी सूचिकृत भएको हो ।
त्यसैगरी, मंसिर २५ गते बिहीबारबाट मर्जर प्रयोजनका लागि रोक्का भएको उक्त संस्थाको कारोबार समेत फुकुवा गरिएको छ । अब मंसिर २८ गते आइतबारदेखि नेप्सेमा संस्थाको कारोबार खुल्नेछ ।
