बैंकिङ खबर । साताको चौथो दिन नेपाल स्टक एक्सचेन्ज ‘नेप्से’ परिसूचक सामान्य अंकले घटेको छ । बुधबार नेप्से परिसूचक २ दशमलव ३९ अंकले घटेर १ हजार ६ सय ४० दशमलव ६४ को बिन्दुमा कारोबार बन्द भएको छ । त्यस्तै ‘क’ वर्गका कम्पनीहरुको मापन सेन्सेटिभ परिसुचक भने शुन्य दशमलव ११ अंकले घटेर ३ सय २६ दशमलव ४९ अंकमा पुगेर बन्द भएको छ । आज बुधबार २ सय १ कम्पनीहरुका ५६ लाख ३१ हजार ४९४ कित्ताको शेयर खरिदबिक्री भई १ अर्व ७५ करोड ७४ लाख २३ हजार ७४५ रुपियाँको कारोबार भएको छ । सबैभन्दा बढी कारोबार प्राइम कमर्सियल बैंकको भएको छ । जसको ९० करोड ५३ लाख ३ हजार ४ सय ३३ रुपियाँको कारोबार भएको छ ।आज १२ वटा उप परिसूचकहरुमा ५ वटा समुहहरु बढेका छन् भने ७ वटा समूहहरु घटेका छन् ।
