नेपालमा चल्ने विदेशी मुद्राहरु

बैंकिङ खबर । अपेक्षा ढुंगाना । नेपाल राष्ट्र बैंकका अनुसार नेपालभित्र निम्न २१ प्रकारका विदेशी मुद्राहरुमात्र किनबेच गर्न पाइन्छ । नेपाल राष्ट्र बैंकले निकालेको विदेशी मुद्रा विनिमयदर र बैंक तथा वित्तीय संस्थाले निकालेको विदेशी मुद्रा विनिमय दर फरक पर्न सक्दछ । बैंक तथा वित्तीय संस्थाहरुले सोही दिन भारतीय बजार खुलेपछि बिहान १० बजेपछि विदेशी मुद्रा विनिमय दर प्रकाशन गर्दछन् । केन्द्रीय बैंकले विदेशी मुद्रा विनिमयदर बैंक तथा वित्तीय संस्थाहरुको लागि प्रकाशन गर्दछ भने बैंक तथा वित्तीय संस्थाहरुले ग्राहकहरुको लागि प्रकाशन गर्दछन् । विदेशी मुद्राको उत्तार चढाव हेरेर बैंक तथा वित्तीय संस्थाले सोही दिन एक पटक भन्दा बढी विदेशी मुद्रा विनिमयदर प्रकाशन गर्दछन् । यसरी प्रकाशन गर्दा मुद्रा, एकाई, खरीददर (५० मुनिका नोटहरु), खरीददर (५० वा ५० माथिका नोटहरु) र बिक्रीदर खुलाएर प्रकाशन गर्दछन् । यसैगरी, विदेशी मुद्रा विनिमयदर प्रकाशन गर्दा जापानी येन एकाई १० मा, कोरियन वन र भारतीय रुपियाँ एकाई १०० मा प्रकाशन गर्दछन् ।