बैंकिङ खबर । सीडीएस एण्ड क्लियरिङ लिमिटेडले भारित औसत लागत विधिबाट पुँजीगत लाभकर गणनाका लागि नयाँ सफ्टवेयरको परीक्षण सुरु गरेको छ । हाल मेरो सेयर प्रयोग गरिरहेका साढे ५ लाख हाराहारीमा रहेका लगानीकर्ताहरुले यसको परीक्षणलगर्न सक्नेछन् ।
सीडीएससीले मेरो सेयर सफ्टवेयर प्रयोग गर्नेहरुलाई यसको प्रयोग गर्न र कुनै समस्या तथा सुझाव दिन समेत आग्रह गरेको छ । सिडिएससीले यो सफ्टवेयर परीक्षणका क्रममा देखा पर्न सक्ने विभिन्न समस्याहरुलाई तत्काल समाधान गरी नयाँ सेवा सहितको मेरो सेयर तथा शीर्घ सञ्चालनमा ल्याउने समेत प्रतिबद्धता जनाएको छ ।
परीक्षण काल सकिएपछि यो सफ्टवेयर पूर्ण प्रयोगमा आउने छ ।
