बैंकिङ खबर । विजय लघुवित्तको थारमारे शाखाले मृतक सदस्यका परिवारलाई बीमा रकम प्रदान गरेको छ । दार्मा ३ फारुलामा गठन भएको गाढ़छाला विजय समूहको सदस्य प्रेम दाहालको निधन भयपछी निज सदस्यले पाउने बीमा रकम मृतककि श्रीमती गीता दाहाललाई हस्तान्तरण गरिएको हो ।
दार्मा गाउँपालिका ३ स्थित सामुदायिक स्वास्थ्य इकाईका इन्चार्ज यज्ञ बुढाथोकीको आतिथ्यता एवम् शाखा प्रमुख किरण घिमिरेको उपस्थितिमा बीमावापतको एक लाख ५९ हजार रुपैयाँ हस्तान्तण गरिएको हो ।
शाखा प्रमुख घिमिरे का अनुसार समुहका सदस्यले कर्जा लिए बापत बैंकले रिलायबल लाईफसँग कर्जाको म्यादी जीवन बीमा गर्दिने गर्दछ । ऋणीको दुर्घटनाबाट मृत्यु प्रमाणित भएमा ऋणीले भुक्तानी गरेको रकमको २०० प्रतिशत क्षतिपूर्ति रकम दिने व्यवस्था छ । अन्य कारणले मृत्यु भएमा ऋण मिनाहा र मृतकको परिवारलार्इ ३० प्रतिशत कृया खर्च रकम दिने व्यवस्था रहेको छ ।