बैंकिङ खबर । यस वर्ष अर्थमन्त्री डा. युवराज खतिवडा सेयर बजारप्रति उदार देखिएका छन् । चालू बजेटमा सेयर बजारका लागि गरिएको व्यवस्थाबाट आलोचित बनेका डा. खतिवडाले आगामी बजेटमा खुकुलो नीति लिएका छन् । बजेटमा सेयर बजारका लागि निम्न व्यवस्था गरिएको छ :
पुँजीगत लाभकर ७.५ प्रतिशतबाट पाँच प्रतिशतका झारिएको छ ।
बोनस शेयर र हकप्रद शेयरको पूँजीगत लाभकर गणना गर्दा भारित औसत ‘वेटेज एण्ड एभरेज’का आधारमा गणना गरिने भएको छ ।
गैरआवासीय नेपालीलाई पनि धितोपत्र बजारमा प्रवेश खुला गरिएको छ ।
सरकारी ऋणपत्रको कारोबार पनि अनलाइनबाट गर्ने व्यवस्था हुने भएको छ ।
निश्चित रुपैयाँभन्दा बढी रकमको धितोपत्रको कारोबार गर्नेको स्थायी लेखा नम्बर नेप्से र सिडिएससिको प्रणालीमा आबद्ध गराइने भएको छ ।
