बैंकिङ खबर । वाणिज्य बैंकहरुको चालु आर्थिक वर्षको फागुन मसान्त सम्मको भारित औषत कर्जादर १२ दशमलव २९ प्रतिशत रहेको छ । गत आर्थिक वर्षको सोही अवधिमा कर्जाको भारित औषत दर ११ दशमलव ९६ प्रतिशत रहेको थियो । बैंकहरुले चालु आर्थिक वर्षको फागुन मसान्त सम्ममा सबैभन्दा धरै कर्जा थोक तथा खुद्रा ब्यापारको क्षेत्रमा प्रवाह गरेका छन् भने सबैभन्दा कम स्थानिय सरकारले लिएको कर्जा छ ।
चालु आर्थिक वर्षको फागुन मसान्त सम्ममा सबैभन्दा धेरै कर्जाको औषत व्याजदर अन्य क्षेत्रमा बढी देखिएको छ । नेपाल राष्ट्र बैंकले छुट्याएको १५ वटा क्षेत्रभन्दा बाहेकको कर्जालाई अन्यमा समावेश गरिएको छ । कर्जाको व्याजदर पनि स्थानिय सरकार शिर्षक अन्तर्गत सबैभन्दा कम रहेको छ । जसको व्याजदर ४ दशमलव शुन्य १ प्रतिशत मात्र रहेको छ ।
(स्रोत : नेपाल राष्ट्र बैंक )
