बैंकिङ खबर। अमेरिकी राष्ट्रपति डोनाल्ड ट्रम्पले अर्थमन्त्रालयका अन्तरराष्ट्रिय मामिलासम्बन्धी कनिष्ठ मन्त्री डेभिड मेलपसलाई विश्व बैंकको अध्यक्षमा मनोनित गर्ने भएका छन् ।
अन्तरराष्ट्रिय समाचार संस्था रोयटर्सले छापेको समाचार अनुसार यो निर्णका बारे ट्रम्प प्रशासनले विश्व बैंकका शेयरधनीहरुलाई समेत जानकारी गराइसकेको छ । मेलपसले लामो समयदेखि विश्व बैंक मामिला हेर्दै आएका छन् ।
यसबारे बुधवार घोषणा हुने रोयटर्सले उल्लेख गरेको छ । तर यस बारेमा हवाइट हाउस र अर्थमन्त्रालय दुबैका प्रवक्ताले कुनै पनि प्रतिक्रिया दिएका छैनन् ।
ट्रम्पले मेलपसलाई अध्यक्षमा मनोनयन गरेपनि विश्व बैंकका १ सय १२ सदस्यीय कार्यसमितिले मन्जुरी दिनुपर्ने हुन्छ । तर यो समितिमा अमेरिकाको मताधिकार बढी भएकाले मेलपस नै अध्यक्ष बन्न सक्ने सम्भावना बढी छ । यसअघि कोरियाली मुलका अमेरिकी नगरिक जिम योङ किम विश्व बैंकका अध्यक्ष थिए । किमले कार्यकाल सकिन तीन वर्ष बाँकि छँदै फेब्रुअरी १ मा राजीनामा दिएका थिए । त्यस यता विश्व बैंकको अध्यक्ष पद खाली छ । एजेन्सी
