बैंकिङ खबर । नेपाल इन्भेष्टमेण्ट बैंक लिमिटेडले गत आर्थिक वर्षको कमाईबाट ४० प्रतिशत लाभांश वितरण गर्ने निर्णय गरेको छ । बैंकको आइतबार बसेको संचालक समितिको बैठकले १८ प्रतिशत बोनस सेयर र २२ प्रतिशत नगद लाभांश वितरण गर्ने प्रस्ताव अघि सारेको हो ।
प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी साधारणसभाले पारित गरेपछि सेयरधनीले पाउनेछन् । अहिले बैंकको चुक्तापुँजी १० अर्ब ६४ करोड ५६ लाख रुपैयाँ रहेको छ । प्रस्तावित बोनस बितरण प्रश्चात बैंकको चुक्ता पूँजी १२ अर्ब ५६ करोड १८ लाख रुपैयाँ पुग्नेछ ।
