बैंकिङ खबर । स्वेदेशी लघुवित्त वित्तीय संस्था लिमिटेडले शतप्रतिशत हकप्रद सेयर निष्काशन गर्ने अनुमति पाएको छ । नेपाल धितोपत्र बोर्डले संस्थालाई एक सय रुपैयाँ अंकित मूल्यमा ११ करोड ५० लाख रुपैयाँ बराबरको ११ लाख ५० हजार कित्ता हकप्रद निष्काशन गर्ने अनुमति प्रदान गरेको हो ।
हकप्रद निष्काशनको लागि लघुवित्तको धितोपत्र निष्काशन तथा बिक्री प्रवन्धक एनआइसी एशिया क्यापिटल लिमिटेड रहेको छ ।
संस्थाको हालको चुक्ता पूँजी ११ करोड ५० लाख रुपैयाँ रहेको छ । हकप्रदपछि लघुवित्तको चुक्ता पूँजी २३ करोड रुपैयाँ पुग्नेछ ।
गत आर्थिक वर्षको वित्तीय विवरण अनुसार संस्थाले तीन करोड ७७ लाख रुपैयाँ नाफा गरेको भने प्रतिसेयर आम्दानी ३२ रुपैयाँ रहेको छ ।
