बैंकिङ खबर । मेगा बैंकले सेयरधनीलाई १०.७५ प्रतिशत बोनस सेयर दिने भएको छ । बैंकले यसअघि टुरिजम डेभलपमेन्ट बैंक र आफैँले घोषणा गरेको बोनस खारेज गर्दै नयाँ प्रस्ताव अघि सारेको हो ।
बैंकको मंगलबार सम्पन्न बैंक सञ्चालक समितिको बैठकले गत आर्थिक बर्षको नाफाबाट सेयरधनीलाई १०.७५ प्रतिशत बोनस वितरण गर्ने प्रस्ताव गरेको छ । सोही बैठकले दुबै बैंक एकीकृत कारोबार गरिसकेको अवस्थामा यसअघि टुरिजम डेभलपमेन्ट बैंक र मेगाले घोषणा गरेको बोनस सेयर खारेज गर्ने र एकमुष्ट रुपमा मेगा बैंक सरह १०.७५ प्रतिशत बोनस वितरण गर्ने निर्णय गरेको छ ।
यसअघि टुरिजम् बैंकले आफ्ना सेयरधनीलाई १५ प्रतिशत प्रतिशत बोनस वितरण गर्ने प्रस्ताव गरेको थियो । अब टुरिजम बैंकका सेयरधनीले पनि १०.७५ प्रतिशत नै बोनस पाउनेछन् । यसअघि मेगा बैंकले चुक्ता पूँँजीको ९.४५ प्रतिशत बोनस सेयर वितरण गर्ने प्रस्ताव गरेको थियो । सो बेला मेगाको चुक्ता पूँजी ७ अर्ब ३७ करोड ६७ लाख ४२ हजार ५२० रुपैयाँ रहेको थियो । अब मेगा बैंकका सेयरधनीले पनि १०.७५ प्रतिशत बोनस पाउनेछन् ।
