बैंकिङ खबर । पञ्चकन्या माई हाइड्रोपावरले सर्वसाधारणका लागि ११ लाख कित्ता आईपिओ निष्काशन गर्ने भएको छ । एक सय रुपैयाँ अंकित मूल्यमा ११ करोड रुपैयाँ बराबरको सेयर जारी गर्ने अनुमति माग गर्दै कम्पनीले नेपाल धितोपत्र बोर्डमा निवेदन दिएको छ ।
कम्पनीले सनराईज क्यापिटल लिमिटेडलाई सेयर निष्काशन तथा बिक्री प्रबन्धक तोकेको छ । कम्पनीले यसअघि गत माघ ५ गते देखि २३ गतेसम्म आयोजना प्रभावित इलामका स्थानीय बासिन्दाको लागि ११ लाख कित्ता शेयर निष्काशन गरिसकेको छ ।
पञ्चकन्या समूहले प्रवद्र्धन गरेको पञ्चकन्या माई हाइड्रोपावर कम्पनीले सन्दकपुर गाउँपालिकास्थित माबु, माईमझुवा र सुलुबुङमा अप्पर माई जलविद्युत् आयोजनाबाट १२ मेगावाट क्षमताको अपरमाई आयोजना सञ्चालनमा ल्याएको छ भने ६ दशमलव १ मेगावाटको क्यास्केड आयोजना निर्माण सम्पन्न भैसकेको छ ।
