बैंकिङ खबर । सुरुवातको दुई दिन घटेपनि यो साता सेयर बजार अन्तिम दुई दिन सामान्य अंकले भए पनि बढेका छन् । सोमबार र मंगलबार क्रमशः १०.२८ र ४.३२ अंकले घटेको नेप्से परिसूचक बुधबार र विहीबार क्रमशः ४.१६ र १.६४ अंकले बढेर १३३९.६५ अंकमा पुगेको छ । गत साता नेप्से १३४८.४५ अंकमा बन्द भएको थियो । यस आधारमा हेर्दा, यो साता सेयर बजार ८.८ अंकले घटेको देखिन्छ ।
कारोबार रकममा यो साता उल्लेख्य गिरावट आएको छ । सोमबार ४२ करोडको कारोबार भएको बजारमा मंगलबार, बुधबार र विहीबार क्रमशः १४ करोड २२ करोड र २८ करोडको मात्रै कारोबार भएको छ । समग्रमा, साताभरमा एक अर्ब आठ करोड १९ लाख ४१ हजार एक सय ९२ रुपैयाँको मात्रै सेयर कारोबार भएको छ ।
वोमी माइक्रोफाइनान्सको धेरै कारोबार भएको छ । उन्नति माइक्रोफाइनान्स, हिमालयन डिस्टीलरी लगायतका सेयरधनीले कमाएका छन् । गुमाउनेमा मिसन डेभलपमेन्ट बैंक, रिडी हाइड्रो लगायतका सेयरधनी छन् ।
