बैंकिङ खबर । तीन जिल्ला कार्यक्षेत्र भएको कन्काई विकास बैंकले राष्ट्र बैंकले तोकेको चुक्तापुँजी पुर्याउन बोनस सेयर जारी गर्ने निर्णय गरेको छ । बैंकको मंगलबार बसेको २५६औँ संचालक समितिको बैठकले दुई करोड ९० लाख रुपैयाँ बराबरको बोनस सेयर जारी गर्ने प्रस्ताव अघि सारेको हो ।
गत असार मसान्तसम्म १५ करोड रुपैयाँ चुक्तापुँजी भएको कन्काई विकास बैंकले हकप्रद सेयर जारी गरेर ४७ करोड १० लाख रुपैयाँ चुक्तापुँजी पुर्याइसकेको छ । राष्ट्र बैंकको निर्देशनअनुसार, तीन जिल्ले विकास बैंकले ५ू० करोड रुपैयाँ चुक्तापुँजी पुर्याउनुपर्ने हुन्छ । यसका लागि दुई करोड ९० लाख रुपैयाँ बराबरको बोनस सेयर र कर प्रयोजनका लागि १५ लाख २६ हजार तीन सय १६ रुपैयाँ नगद लाभांश दिने निर्णय गरेको बैंकले जनाएको छ ।
