माउन्ट मकालु डेभलपमेन्ट बैंक लिमिटेडले ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्ने अनुमति पाएको छ । बैंकले एक सय रुपैयाँ अंकित मूल्यमा तीन करोड ४५ लाख ८० हजार रुपैयाँ बराबरको तीन लाख ४५ हजार आठ सय कित्ता हकप्रद सेयर निष्काशन गर्न नेपाल धितोपत्र बोर्डबाट अनुमति पाएको हो ।
हाल माउन्ट मकालु डेभलपमेन्ट बैंकको चुक्तापुँजी छ करोड ९१ लाख ६० हजार रुपैयाँ रहेको छ । ५० प्रतिशत हकप्रद सेयर निष्काशन गरेपछि बैंकको चुक्तापुँजी १० करोड ३७ लाख ४० हजार रुपैयाँ पुग्नेछ ।
हकप्रद सेयर निष्काशनका लागि बैंकले एनआईबिएल क्यापिटल मार्केट लिमिटेडलाई नियुक्त गरिसकेको छ ।
