नेपाल स्टक एक्सचेन्ज (नेप्से)को महाप्रवन्धकमा चन्द्रसिंह साउद नियुक्त भएका छन्। मन्त्रीपरिषदको सोमबार बसेको बैठकले नेप्से महाप्रवन्धकमा साउदलार्इ नियुक्त गरेका हो।अर्थमन्त्रालयले चन्द्रसिंह साउद, प्रमोदराज शर्मा र मनोजकुमार ज्ञवाली छनौट गरेर मन्त्रीपरिषद्मा सिफारिश गरेको थियो।
एमबिएस गरेर अध्यापन पेशा अँगालिरहेका चन्द्रसिंह साउदसँग नेपाल इन्स्योरेन्स कम्पनीमा २४ वर्ष काम गरेको अनुभव छ । उक्त कम्पनीमा २०५१ सालमा छैटौं तहमा प्रवेश गरेका उनले प्रमुख कार्यकारी अधिकृत हुँदै ०७३ मा अवकाश पाएका थिए । साउद अहिले चार्टर्ड क्यापिटल एण्ड इन्भेस्टमेन्टका अध्यक्ष छन् ।
