समिट माइक्रोफाइनान्स डेभलपमेन्ट बैंक लिमिटेडले ३४.४८२७५८६२ प्रतिशत बोनस सेयर वितरण गर्ने भएको छ । बैंकको भदौ ३० गते बसेको १५५औँ संचालक समितिको बैठकले गत आर्थिक वर्षसम्मको संचित मुनाफाबाट उक्त अनुपातमा बोनस सेयर वितरण गर्ने प्रस्ताव अघि सारेको हो ।
हाल सात करोड २५ लाख रुपैयाँ चुक्तापुँजी भएको समिटले दुई करोड ५० लाख रुपैयाँ बराबरको बोनस सेयर जारी गर्नेछ । साथमा कर प्रयोजनका लागि १.८१४८८२०३ प्रतिशतले हुन आउने १३ लाख १५ हजार सात सय ८९ रुपैयाँ ४७ पैसा नगद लाभांश समेत वितरण गर्ने बैंकले जनाएको छ ।
प्रस्तावित लाभांश नेपाल राष्ट्र बैंकबाट स्वीकृत भई बैंकको चालू आर्थिक वर्षको वार्षिक साधारणसभाले पारित गरेपछि सेयरधनीले पाउनेछन् ।
