लघुवित्तहरुमध्येमा सबैभन्दा धेरै नाफा कमाएको निर्धन उत्थान बैंक लिमिटेडले आफ्ना सेयरधनीहरुका लागि आकर्षक लाभांश प्रस्ताव गरेको छ । बैंक संचालक समितिको भदौ २२ गते बसेको २२५औँ वैठकले ४० करोड रुपैयाँ बराबरको बोनस सेयर र आठ करोड ४२ लाख १० हजार पाँच सय २६ रुपैयाँ नगद लाभांश वितरण गर्ने प्रस्ताव अघि सारेको हो ।
हाल ६० करोड रुपैयाँ चुक्तापुँजी भएको निर्धन उत्थानले चुक्तापुँजीको ६६.६७ प्रतिशत बोनस सेयर र १४.०४ प्रतिशत नगद लाभांश वितरण गर्न लागेको जनाएको छ । गत आर्थिक वर्षमा निर्धन उत्थानले ५८ करोड ३४ लाख रुपैयाँ खुद मुनाफा आर्जन गरेको थियो ।
