नेपाल इन्भेष्टमेन्ट बैंक लिमिटेडका सेयरधनीले १५ प्रतिशत बोनस सेयर २५ प्रतिशत नगद लाभांश पाउने भएका छन् । बैंकको बुधबार बसेको संचालक समितिको बैठकले गत आर्थिक वर्षको कमाईबाट उक्त अनुपातमा लाभांश वितरण गर्ने निर्णय गरेको हो । उक्त लाभांश नेपाल राष्ट्र बैंकबाट स्वीकृत भई बैंकको आगामी साधारणसभाले पारित गरेपछि सेयरधनीले पाउनेछन् ।
गत आर्थिक वर्षमा नेपाल इन्भेष्टमेन्ट बैंकले तीन अर्ब १६ करोड रुपैयाँ खुद मुनाफा आर्जन गरेको छ । बैंकको चुक्तापुँजी नौ अर्ब २४ करोड रुपैयाँ रहेको छ ।
