पोखराको न्यूरोडमा प्रधान कार्यालय रहेको पोखरा फाइनान्स लिमिटेडले जारी गरेको नयाँ सेयरको निष्कासन (एफपिओ) मा ४८३५६ जना आवेदकबाट माग भन्दा बढी करिव ७२ करोड ५७ लाखको आवेदन परेको छ ।
नेपाल राष्ट्र बैंकमा पेश गरिएको पूँजी योजना अनुसार संस्थाले यस एफपिओ पछि लगत्तै १५ प्रतिशत हकप्रद सेयर जारी गर्ने र नेपाल राष्ट्र बैंक एवं आगामी साधारण सभाको स्वीकृतिले आ.व. २०७३÷७४ को मुनाफा वितरण समेतबाट राष्ट्रियस्तरको वित्त कम्पनीले पुर्याउनुपर्ने चुक्ता पूँजी रु. ८० करोड पुग्ने फाइनान्सका प्रमुख कार्यकारी अधिकृत राज कुमार गुरुङले बताए ।
