समिट माइक्रोफाइनान्स डेभलपमेन्ट बैंक लिमिटेडले हकप्रद प्रयोजनका लागि भदौ ९ गतेदेखि सेयरधनी पुस्तिका बन्द गर्ने भएको छ । जसअनुसार, माइक्रोफाइनान्सले निष्काशन गर्न लागेको शतप्रतिशत हकप्रद सेयरमा भदौ ८ गतेसम्म कायम सेयरधनीले मात्रै आवेदन दिन पाउनेछन् ।
कम्पनीले एक सय रुपैयाँ अंकित मूल्यमा सात करोड २५ लाख रुपैयाँको सात लाख २५ हजार कित्ता सेयर निष्काशन गर्न लागेको छ । कम्पनीको शेयरलाई इक्रा नेपालले ग्रेड फोरप्लस रेटिङ प्रदान गरेको छ । जसले कम्पनीको अवस्था तुलनात्मक रुपमा सकारात्मक रहेको जनाउँछ ।
कम्पनीले सेयर निष्काशन तथा बिक्री प्रबन्धकमा सानिमा क्यापिटललाई यसअघि नै नियुक्त गरिसकेको छ ।
