नेपाल मर्चेन्ट बैंकर्स संघले साउन मसान्तभित्रमा डिम्याट खाता नविकरण तथा बैंक खाता अध्यावधिक गर्न आग्रह गरेको छ । संघमा आवद्ध निक्षेप सदस्यहरुकोमा खाता संचालन गरेका हितग्राहीलाई साउन मसान्तभित्र बार्षिक शुल्क बुझाउन निर्देशन दिइएको हो । सो समयभित्र डिम्याट खाता नवीकरण नगर्नेहरुको यसअघि केन्द्रीय निक्षेप प्रणाली(सिडिएससी) ले दिएको निर्देशन अनुसार खाता रोक्का गरिने पनि संघले जनाएको छ ।
लगानीकर्ताले आफ्नो डिम्याट खाता रहेको निक्षेप सदस्यकोमा गएर तोकिएको शुल्क भुक्तानी गरी खाता नविकरण गर्न सक्नेछन् । डिम्याट खाता सञ्चालन गरेवापत प्रत्येक खातावालाले वार्षिक नवीकरण शुल्क एक सय रुपैयाँ तिनुपर्ने व्यवस्था छ । सिडिएससीका अनुसार हालसम्म आठ लाख ६९ हजार २५० डिम्याट खाता खोलिएका छन् ।
