नेपाल एसबिआई बैंक लिमिटेडले चार लाख ६९ हजार ५२ कित्ता हकप्रद सेयर लिलामीमा निकालेको छ । बैंकले हकप्रद निष्काशनको क्रममा नबिकेको साधारण समूहतर्फको सेयर बोलकबोलका माध्यमबाट बिक्री गर्न लागेको हो ।
बैंकको सेयर खरिद गर्न चाहनेले न्युनतम एक सय रुपैंयाँ मुल्यमा कम्तीमा १०० कित्ताका लागि साउन ९ गतेदेखि १६ गतेसम्म शिलबन्दी बोलपत्रमार्फत आवेदन दिन सक्नेछन् । नेपाल एसबिआई बैंकको सेयर बिक्री प्रबन्धकमा एनएमबि क्यापिटल लिमिटेड रहेको छ ।
बैंकले जेठ ७ गतेबाट असार ११ गते सम्म सय रुपैयाँ अंकित मूल्यमा एक करोड ९९ लाख १९ हजार ४ सय २३ कित्ता हकप्रद सेयर निष्काशन गरेको थियो ।
