नेको इन्स्योरेन्स कम्पनी लिमिटेडले बोनस सेयर र हकप्रद सेयर एकैपटक नेप्सेमा सूचिकृत गराएको छ । कम्पनीले ३२ लाख ४० हजार चार सय ३६ दशमलव ३२ कित्ता हकप्रद सेयर र छ लाख ४८ हजार ८७ दशमलव २६ कित्ता बोनस सेयर सोमबार नेप्सेमा सूचिकृत गराएको हो ।
नेकोले गत फागुन महिनामा शतप्रतिशत अर्थात एक बराबर एकको अनुपातमा हकप्रद सेयर निष्काशन गरेको थियो भने गत आर्थिक वर्षको कमाईबाट २० प्रतिशत बोनस सेयर वितरण गरेको थियो । सोही सेयरको कारोबारका लवागि कम्पनीले नेप्सेमा सूचिकृत गराएको हो । अबको सात दिनभित्रमा यी सेयरहरुको कारोबार सुरु हुनेछ ।
