Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
बैंक-वित्त

इन्नोभेटिभ र अरनिकोलाई गाभेर सेञ्चुरीले थाल्यो एकीकृत कारोबार, असारभित्रै थप तीन संस्था गाभ्ने

२०७४ जेष्ठ २८ गते

सेञ्चुरी कमर्सियल बैंक लिमिटेडले इन्नोभेटिभ डेभलपमेन्ट बैंक लिमिटेड र अरनिको डेभलपमेन्ट बैंक लिमिटेडलाई प्राप्ती (एक्विजिशन) गरी एकीकृत कारोबार सुरु गरेको छ । बैंकले आठ अर्ब चुक्तापुँजी पुर्याउने शिलशिलामा ख वर्गका दुई बैंकलाई खरिद गरी आइतबार (जेठ २८ गते)देखि एकीकृत कारोबार थालेको हो । काठमाडौंमा एक समारोहका बीच एकीकृत कारोबारको शुभारम्भ नेपाल राष्ट्र बैंकका गर्भनर चिरंजीबि नेपालले पानसमा बति बालेर गरे । 

एकीकृत कारोबार पश्चात् बैंकको चुक्तापुँजी चार अर्ब ७१ करोड रुपैयाँ, निक्षेप ३८ अर्ब ५० करोड रुपैयाँ, कर्जा ३५ अर्ब रुपैयाँ तथा शाखा संख्या ५३ वटा पुगेको छ । निकट भविष्यमा नै बैंकले एकीकृत पुँजीमा ४० प्रतिशतका दरले हकप्रद शेयर जारी गर्दैछ र सो पश्चात् सगरमाथा फाइनान्स, अल्पाईन डेभलपमेन्ट बैंक तथा सेती फाइनान्ससँग असार महिना भित्रै एकीकृत कारोबार गर्दैछ । 

सम्पूर्ण प्राप्तीहरु हकप्रद तथा चालु आर्थिक वर्षको मुनाफाबाट बोनस सेयर जारी गरेर बैंकले तोकिएको आठ अर्ब पुँजी सजिलै पुर्याउने छ । सम्पूर्ण एकीकृत कारोबार पश्चात् बैंकको शाखा संख्या झन्डै ९० पुग्नेछ । 

Ad