जनरल फाइनान्स लिमिटेडले एक सय २५ प्रतिशत अर्थात एक बराबर एक दशमलव २५ को अनुपातमा हकप्रद सेयर निष्काशन गर्ने भएको छ । हकप्रद निष्काशनको अनुमति माग गर्दै फाइनान्सले नेपाल धितोपत्र बोर्डमा निवेदन दिएको छ । फाइनान्सले जेठ २६ गते बोर्डमा निवेदन दिएको जनाएको छ ।
जनरलले एक सय रुपैयाँ अंकित मूल्यमा १६ करोड ५२ लाख ८५ हजार रुपैयाँ बराबरको १६ लाख ५२ हजार आठ सय ५० कित्ता हकप्रद सेयर निष्काशन गर्नेछ । यसका लागि फाइनान्सले सेयर निष्काशन तथा विक्री प्रबन्धकमा ग्लोल आईएमई क्यापिटल लिमिटेडलाई नियुक्त गरिसकेको छ ।
