टुरिजम डेभलपमेन्ट बैंक लिमिटेडले सात लाख चार हजार सात सय ३८ कित्ता सेयर लिलामीमा निकाल्ने भएको छ । बैंकले असार ७ गतेदेखि १५ गतेसम्म शिलबन्दी बोलपब पेश गर्न आह्वान गरेको छ ।
टुरिजमले हकप्रल सेयर निष्काशनको क्रममा नबिकेको संस्थापकतर्फ चार लाख ३८ हजार दुई सय कित्ता र सर्वसाधारण तर्फ दुई लाख ६६ हजार पाँच सय ३७ कित्ता सेयर लिलामीमा निकाल्न लागेको हो । बैंकले गत चैत १३ गते देखि बैशाख २६ सम्म एक कित्ता बराबर एकको अनुपातमा ९१ लाख ९७ हजार सात सय १२ कित्ता सेयर हकप्रद सेयर निष्काशन गरेको थियो ।
बैंकले प्रतिसेयर न्युनतम मुल्य १०० रुपैयाँ र सो भन्दा बढी मुल्यमा बोलकबोल गर्न सक्ने जनाएको छ । खरिदकर्ताले बोलकबोल गर्दा न्युनतम १०० कित्ता र त्यस माथिको लागि दशमलब नआउने अङ्कमा जति पनि आवेदन दिन सक्ने जनाइएको छ । १६ असारमा एनआईबिएल क्यापिटल लाजिम्पाटमा आवेदकहरुको उपस्थितीमा बोलपत्र खोल्ने जनाइएको छ ।
