३० प्रतिशत हकप्रद सेयर निष्काशन सुरु गरेकै दिन सिद्धार्थ बैंक लिमिटेडले १० प्रतिशत हकप्रद सेयर जारी गर्ने प्रस्ताव अघि सार्दै साधारणसभा बोलाएको छ । बैंकले ३० प्रतिशत हकप्रद सेयर जारी गरेपछि कायम हुने चुक्तापुँजीको १० प्रतिशत हकप्रद सेयर निष्काशन गर्ने निर्णण् पारित गर्नका लागि आगामी असार १८ गते विशेष साधारणसभा डाकेको हो ।
सिद्धार्थ बैंकले राष्ट्र बैंकले दिएको समयमा नै आठ अर्ब चुक्तापुँजी पुर्याउनका लागि पुनः हकप्रद जारी गर्ने प्रस्तव अघि सारेको हो । हाल सिद्धार्थ बैंकको चुक्तापँजी अर्ब २५ करोड रुपैयाँ रहेको छ । ३० प्रतिशत हकप्रदपछि बैंकको चुक्ता पूँजी छ अर्ब ८२ करोड ६१ लाख रुपैयाँ पुग्नेछ । त्यसपश्चात दश प्रतिशत हकप्रद बिक्री गर्दा बैंकको पुँजी साढे सात अर्ब नाघ्ने छ । बाँकी नपुग रकम बैंकले चालु आर्थिक बर्षको बोनसबाट पुर्याउने देखिन्छ ।
साधारणसभामा बैंकले राष्ट्र बैंकको परिपत्र अनुसार बैंकको प्रबन्धपत्र र नियमावलि संशोधनगरी संचालकको संरचना मिलाउने प्रस्ताव पनि गर्नेछ । बैंक तथा वित्तीय संस्था सम्बन्धि ऐन बाफियामा बैंकमा कम्तिमा पाँच जनादेखि ७ बढीमा सात जनासम्म संचालक रहने व्यवस्था रहेबमोजिम नेपाल राष्ट्र बैंकले तत्काल साधारणसभा डाकेर सञ्चालकको संख्या घटाउन निर्देशन दिएपछि सिद्धार्थ बैंकले साधारणसभा बोलाएको हो ।
