भार्गव विकास बैंक लिमिटेडले ८५ हजारभन्दा बढी कित्ता हकप्रद सेयर लिलामीमा निकाल्ने भएको छ । बैंकले हकप्रद निष्काशनकोक क्रममा नबिकेको संस्थापक समुहको ३२ हजार चार सय ६६ कित्ता र सर्बसाधारण समुहको ५२ हजार सात सय ६५ कित्ता सेयरलाई बोलकबोल गरेर विक्री गर्न लागेको हो । बैंकले निस्कासन तथा बिक्री प्रवन्धक एनएमबि क्यापिटल मार्फत १२ लाख कित्ता हकप्रद सेयर निस्कासन गरेको थियो ।
नबिकेको हकप्रद खरिद गर्न २६ जेठ देखि २ असारसम्म शिलबन्दी बोलपत्र पेश गर्न सकिने बैंकले जनाएको छ । बोलपत्रमा एनएमबि क्यापिटल नागपोखरी, भार्गव बिकास बैंकको काठमाडौं शाखा एवं प्रधान कार्यालय सुर्खेत रोड नेपालगञ्जमा आवेदन दिन सकिनेछ । न्युनतम १०० रुपैयाँ या सोभन्दा माथि मूल्य राखेर न्युनतम १०० कित्ता या त्यस माथि १० ले भाग जाने अंकमा संस्थापक तर्फ ३२ हजार चार सय ६६ कित्ता र सर्वसाधारण तर्फ ५२ हजार सात सय ६५ कित्ताका लागि आवेदन दिन सकिनेछ ।
