नेपाल स्टक एक्सचेन्ज(नेप्से)को अध्यक्षमा लक्ष्मण न्यौपाने नियुक्त भएका छन् । विहिबार बसेको मन्त्रिपरिषद्को बैठकले न्यौपानेलाई चार वर्षे कार्यकालका लागि अध्यक्षमा नियुक्त गरेको हो । रामजी रेग्मीले राजिनामा दिएपछि नेप्सेको अध्यक्ष पद रिक्त रहेको थियो ।
दिगो विकास विज्ञानमा अमेरिकाबाट स्नातकोत्तर गरेका न्यौपानेले आइतबारदेखि आफ्नो कार्यभार सम्हाल्ने बताइएको छ । उनले अर्थमन्त्रालयबाट पत्र लिइसकेका छन् ।
