प्रभु क्यापिटलले दुई सय प्रतिशत हकप्रद सेयर निष्काशन गर्ने भएको छ । प्रभुले अधिकृत र जारी पुँजी ३० करोड तथा चुक्ता पुँजी २१ करोड पुर्याउन उक्त अनुपातमा हकप्रद सेयर निष्काशन गर्ने प्रस्ताव अघि सारेको हो । सो प्रस्ताव पारित गर्न कम्पनीले जेठ २० गते विशेष साधारणसभा बोलाएको छ ।
कम्पनीको प्रबन्धपत्र र नियमावलीमा आवश्यक संशोधन गर्ने प्रस्ताव पनि विशेषसाधारण सभामा लगिँदैछ । साधारणसभा प्रभु क्यापिटल लिमिटेड कमलादी, काठमाडौंमा बिहान ११ बजे सुरु हुनेछ ।
हाल प्रभु क्यापिटलको चुक्तापुँजी सात करोड रुपैयाँ छ ।
