सिद्धार्थ डेभलपमेन्ट बैंक लिमिटेडले ६० प्रतिशत अर्थात १० बराबर ६ को अनुपातमा हकप्रद सेयर निष्काशन गर्ने भएको छ । हकप्रद निष्काशनको अनुमति माग गर्दै सिद्धार्थले नेपाल धितोपत्र बोर्डमा निवेदन दिएको छ । बैंकले गत फागुन १८ गते बोर्डमा निवेदन दिएको हो ।
सिद्धार्थले एक सय रुपैयाँ अंकित दरमा ८५ करोड १५ लाख पाँच सय ६० रुपैयाँ बराबरको ८५ लाख १५ हजार पाँच दशमलव ६० कित्ता हकप्रद सेयर निष्काशन गर्नेछ । बैंकको सेयर निष्काशन तथा विmत्री प्रबन्धकमा नबिल इन्भेष्टमेन्ट बैंकिङ लिमिटेड रहेको छ ।
बैंकको सत्रौं बार्षिक साधारणसभाले सेयरधनीलाई २४ प्रतिशत बोनसपछि कायम चुक्ता पुँजीको ६० प्रतिशत हकप्रद सेयर निष्काशन गर्ने प्रस्ताव पारित गरेको थियो ।
हाल सिद्धार्थ डेभलपमेन्ट बैंकको चुक्तापुँजी एक अर्ब ४१ करोड ९१ लाख रहेको रुपैयाँ छ । ६० प्रतिशत हकप्रद पश्चात बैंकको चुक्ता पुँजी दुई अर्ब २७ करोड नाघ्नेछ । चालू आर्थिक वर्षको मुनाफाबाट बोनस सेयर जारी गरेर सजिलै अढाई अर्ब चुक्तापुँजी पुर्याई राष्ट्रिय स्तरको विकास बैंकको रुपमा कायम रहन सक्ने भएर पनि सिद्धार्थले जनता बैंक लिमिटेडसँग एक्विजिसन सम्झौता गरेको छ । जनता र सिद्धार्थबीच गत बुधबार एक्विजिसन सम्झौता भएको हो । यसअघि नै त्रिवेणी विकास बैंकलाई एक्वायर गर्ने सम्झौता गरेको जनता बैंकले सिद्धार्थलाई पनि एक्वायर गरेपछि आठ अर्ब चुक्तापुँजी सजिलै पुग्नेछ ।
