नेपाल एसबीआई बैंकले निष्काशन गरेको ६७ हजार सात सय ६७ कित्ता थप नयाँ सेयर अर्थात एफपीओ आइतबार बाँडफाँड भएको छ । कुल ५७ हजार भन्दा बढी आवेदन परेकोमा छ हजार सात सय ७० जनाले बैंकको सेयर पाएका छन् । जसमध्ये, सात जनाले ११ कित्ता, एक जनाले १० दशमलव ८७ कित्ता र बाँकी छ हजार सात सय ६२ जनाले १० कित्ताका दरले सेयर पाएका छन् ।
बैंकले प्रतिकित्ता एक सय रुपैयाँ अंकित दरमा ८७१ रुपैयाँ प्रिमियम मूल्य थपेर प्रतिकित्ता ९७१ रुपैयाँका दरले ६७ हजार ७ सय ६७ कित्ता एफपीओ पुस १० देखि १३ गतेसम्म निष्काशन गरेको थियो । बैंकले संस्थापक शेयरधनी र साधारण सेयरधनीको स्वामित्व ७०ः३० कायम गर्न ६७ हजार ७ सय ६७ कित्ता एफपिओ जारी गरेको हो । एफपिओ जारी गरेपछि बैंकको चुक्तापूँजीमा ६७ लाख रुपैयाँ थपिने छ । बाँकी प्रिमियमवापतको रक मभने जगेडाकोषमा जम्मा हुनेछ ।
